बाइडेन प्रशासनबाट ८ लाखभन्दा बढीको ३९ बिलियन डलर ऋण मिनाहा सुरु
प्रकाशित मिति : श्रावण २९, २०८० सोमबार
बाइडेन प्रशासनले ८ लाखभन्दा बढी उधारकर्ताहरूको विद्यार्थी ऋण मिनाहा गर्न सुरु गरेको छ । सोमबारदेखि हजारौं संघीय विद्यार्थी ऋण उधारकर्ताहरूले आफ्ना सेवाकर्ताहरूबाट ‘तपाईंको विद्यार्थी ऋणहरू मिनाहा गरिएको छ’ भन्ने विषयको साथ इमेलहरू प्राप्त गर्न सुरु गरेका छन् ।
सूचनाहरू बाइडेन प्रशासनले ८ लाख ४ हजार उधारकर्ताहरूका लागि ऋण रद्द गर्ने पहिले घोषणा गरेको प्रयासहरूको एक हिस्साको रूपमा आउनेछ जुन उनीहरूको चुक्ता योजना अन्तर्गत राहतको लागि योग्य छन् । आजदेखि ऋण मिनाहाको सुचना पठाउन सुरु गरिएकोमा आगामी केही सातामा ८ लाखभन्दा बढीले नै विद्यार्थी ऋण मिनाहाको सुचना पाउनेछन् ।
करिब ६ लाख १४ हजार व्यक्तिहरूको सम्पूर्ण विद्यार्थी ऋण मिनाहा हुने अपेक्षा गरिएको छ, जबकि अन्यले विभिन्न समयमा लिएका बाँकी ऋणहरू मिनाहा हुनेछन् । कुल ३९ बिलियन डलर विद्यार्थी ऋण स्वचालित रूपमा माफ गर्ने बाइडेन प्रशासनको योजना छ । यो राहत योजना अन्तर्गत उधारकर्ताहरूले २० वर्ष वा २५ वर्षको लागि भुक्तान गरेपछि बाँकी ऋण सरकारले रद्द गर्नेछ ।
उनीहरूले कहिले ऋण लिएका थिए र भुक्तान योजना के थियो भन्ने आधारमा उनीहरूले तिर्न बाँकी रकममा छुट पाउनेछन् । सर्वोच्च अदालतले राष्ट्रपति जो बाइडेनको व्यापक विद्यार्थी ऋण माफी योजनालाई खारेज गरेको केही हप्ता पछि यो घोषणा आएको थियो, जसले करिब ३७ मिलियन मानिसहरूलाई राहत दिने थियो।
यसैबीच सोमबार एक संघीय न्यायाधीशले दुई रूढिवादी समूहहरूले बाइडेन प्रशासनलाई संघीय विद्यार्थी ऋण रद्द गर्न रोक लगाउनबाट गरेको प्रयासलाई अस्वीकार गरेका छन् ।
सार्वजनिक नीतिका लागि क्याटो इन्स्टिच्युट र म्याकिनाक सेन्टरले यस महिनाको सुरुमा बाइडेन प्रशासनको योजनाविरुद्ध मुद्दा दायर गरेका थिए । बाइडेन प्रशासनले ल्याएको नीति परम्परागत नियम बनाउने प्रक्रिया मार्फत नभएको र जनतालाई टिप्पणी गर्ने अवसर प्रदान नगरेर संघीय कानूनको उल्लंघन गरेको भन्दै मुद्दा दायर गरिएको थियो ।
मिशिगनको इस्र्टन डिस्ट्रिक्टका अमेरिकी जिल्ला न्यायाधीश थोमस एल लुडिङ्टनले १६ पृष्ठको आदेश जारी गर्दै मुद्दा खारेज गरेका थिए । बाइडेन प्रशासनले ऋण मिनाहा सुरु गरेको दिनमा नै आएको अदालतको फैसलाले बाइडेन प्रशासनलाई नीति कार्यान्वयनमा सहज भएको छ ।