फ्लोरिडामा तीनखुट्टे् भालु घरमा छिरेर रक्सी पिएर फिर्ता
प्रकाशित मिति : भाद्र २१, २०८० बिहीबार
फ्लोरिडामा तीन खुट्टा भएको भालु एउटा घरमा छिरेर रक्सी पिएर फर्केको सीसीटिभी फुटेजमा देखिएको छ । भालुले उनीहरूको बाहिरी फ्रिजबाट केही ह्वाइट क्लाउ नामका रक्सी चोरेको जनाइएको छ ।
फ्लोरिडाको लेक मेरी निवासी जोसौरी फनेइट डिग्लियोले आफ्नो घरको सुरक्षा प्रणालीबाट ग्यारेजमा कोही छिरेको चेतावनी प्राप्त गरेपछि हेर्दा भालु देखेकी थिइन् । हिडाइको चालबाट उनले उक्त भालु तीन खुट्टे भएको पुष्टी गरेकी थिइन् ।
तीन खुट्टा भएको भालुलाई ट्राइपड भनेर चिनिन्छ किनभने भालुको पहिचान केवल तीन खुट्टा भएको हो । यसले हानि नगर्ने र आफूहरुले वन्यजन्तुलाई सम्मान दिने जोसौरीको भनाई छ । आफ्नो घरको वरभर हरिण, सर्प, भालु लगायतका बन्यजन्तु रहेको र यो तिनीहरूको बासस्थान रहेको उनले बताइन् ।
भालु देखेपछि उनले आफ्नो छोरालाई बोलाएकी थिइन् । भालुलाई देखेर उनीहरुको कुकुर पनि भुकेको थियो । बाहिरको सुरक्षा क्यामेरामा भालुको भिडियो कैद भएको थियो । भालुलले फ्रिज खोलेर रक्सी चोरेको थियो ।
फ्लोरिडामा तातो भएकाले भालुले रिफ्रेस हुन फ्रिज खोलेको र त्यहाँ रक्सी भेट्टाएको अनुमान गरिएको छ । भाउले ह्वाइट क्लाउ नामको रक्सीका तीनवटा क्यान निकालेर प्वाल पारेर पिएको थियो । त्यसपछि भालु उनीहरूको फिशट्याङ्कमा पुगेर माछाको खाना पनि खाएको जनाइएको छ ।