न्यूयोर्कवासीहरूको औसत आयु बढाउने न्यूयोर्क सिटीको पहल सुरु, यस्ता छन् लक्ष्य र योजना
प्रकाशित मिति : कार्तिक १५, २०८० बुधबार
न्यूयोर्क शहरका अधिकारीहरूले बुधबार सबै न्यूयोर्कवासीहरूको औसत आयु बढाउन नयाँ अभियान घोषणा गरेका छन् । अप्रिलमा जारी गरिएको एक अध्ययन अनुशार महामारी र ओपियोइड दुरुपयोगले सन् २०१९ र २०२० बीचमा न्यूयोर्क शहरका बासिन्दाको औसत आयु ४ दशमलव ६ वर्षले घटाएको छ।
हालैको तथ्याङ्कले न्यूयोर्क शहरमा २०२० देखि २०२१ सम्मको २ दशमलव ७ वर्षको वृद्धिसँगै औषत आयुमा सुधार हुन थालेको देखाएको छ, तर औषत आयु सन् २०१९ को तथ्यांकभन्दा पछाडि रहेको छ।
यी प्रभावहरू पनि समान रूपमा महसुस गरिएको छैन, किनभने २०२१ मा अश्योत न्यूयोर्क बासीहरूमा औषत आयु ७६ दशमलव १ वर्षमा झरेको छ, जबकि श्वेत न्यूयोर्क बासीहरूमा औषत आयु ८१ दशमलव १ बर्ष रहेको छ ।
दशकहरूमा सबैभन्दा नराम्रो गिरावट पछि मेयर एरिक आडम्सले सन् २०२३ सम्ममा औसत आयु बढाएर ८३ वर्षसम्म बनाउने आशा राखेका छन्। न्युयोर्क सिटीको स्वास्थ्य विभागले प्रारम्भिक मृत्युको सबैभन्दा ठूलो कारक रहेका दीर्घकालीन रोगहरू, ओभरडोज, आत्महत्या, मातृ मृत्युदर, हिंसा र कोरोनाभाइरसलाई कम गर्ने लक्ष्यका साथ विभिन्न पहलहरु व्यवस्थित गर्नेछ।
पहलले सन् २०३० सम्ममा हृदयाघात र मधुमेहलाई ५ प्रतिशतले घटाउने, फोक्सो, स्तन, कोलोन, पाठेघर र प्रोस्टेट क्यान्सर सहित स्क्रिन गर्न मिल्ने क्यान्सरलाई २०३० सम्ममा २० प्रतिशतले घटाउने, २०३० सम्ममा ओभरडोजबाट हुने मृत्युलाई २५ प्रतिशतले घटाउने, सन् २०३० सम्ममा आत्महत्या गर्नेको संख्या १० प्रतिशतले घटाउने
२०३० सम्ममा ३० प्रतिशतले हत्याबाट हुने मृत्यु घटाउने, सन् २०३० सम्ममा अश्वेत ला महिलाहरूको गर्भावस्थासँग सम्बन्धित मृत्युदर १० प्रतिशतले घटाउने र सन् २०३० सम्ममा वार्षिक कोभिड मृत्युलाई ६० प्रतिशतले घटाउने लक्ष्य लिएको छ ।
अधिक भरपर्दो यातायात, सुरक्षित सडक र स्वस्थ खाना विकल्पहरू सहित राम्रो स्रोतहरू प्रदान गरेर सबैभन्दा धेरै मृत्युदर भएका समुदायहरूमा ध्यान केन्द्रित गरिनेछ।
रणनीतिहरूमा प्रारम्भिक मानसिक स्वास्थ्य उपचार, मातृ स्वास्थ्य हेरचाहमा राम्रो पहुँच र ओभरडोज मृत्यु घटाउन उपचार र रिकभरी केन्द्रहरूमा थप पहुँच प्रदान गर्ने समावेश छ। यसलाई न्यूयोर्कवासीहरूलाई स्वस्थ र लामो जीवन बाँच्न मद्दत गर्न एक लामो बाटो जाने महत्वाकांक्षी लक्ष्यका रुपमा लिइएको छ ।