न्युयोर्क सिटीले मंगलबार विहान सिजनको पहिलो हिउँका फूल देख्नसक्ने
प्रकाशित मिति : मंसिर ११, २०८० सोमबार
न्युयोर्क सिटीले मंगलबार बिहान केही हिउँ देख्ने मौका पाउनेछ । तर यो ठूलो भने हुनेछैन । अझै डिसेम्बर नभए पनि न्युयोर्क सिटीले सिजनको पहिलो हिमपात देख्न सक्ने मौषमविदहरुले बताएका छन् । किनभने मध्य हप्तामा चिसो मौसम यस क्षेत्रमा फैलिएको छ।
सोमबार राती अत्यन्तै चिसोसँगै मंगलबार बिहान पनि तापक्रम एकदम चिसो रहनेछ । बिहानको समयमा हावा चिसो हुनेछ। तापक्रम २० डिग्री फरेनहाइटको आसपासमा हुनेछ भने सूर्य बाहिर आउँदा पनि यसमा धेरै परिवर्तन हुनेछैन । किनकि दिनभर २० को हाराहारीमा र अत्याधिक भएमा ३० डिग्री फरेनहाइटसम्म तापक्रम पुग्नेछ ।
कडा चिसोको कारण न्युयोर्क सिटीले बिहान केही हिउँ देख्ने मौका पाउने अपेक्षा गरिएको हो । तर यो हिउँका फूलहरु भन्दा बढी हुनेछैन । किनकि धेरै ठूलो हिउँ ग्रेट लेक क्षेत्र वरिपरि पर्नेछ । ओन्टारियो तालको आसपासमा एक फुटसम्म हिमपात सम्भव छ ।
बुधबार पनि त्यति धेरै तातो देखिँदैन। सौभाग्यवश अत्याधिक चिसो छोटो समयका लागि रहनेछ । बिहीबार तापक्रम ५० डिग्री फरेनहाइटको नजिक पुग्नेछ । शुक्रबार साँझसम्म अर्को चरणको वर्षासँगै उच्च तापक्रम ५० डिग्री फरेनहाइटसम्म पुग्नेछ । अर्को हप्ता पनि पानी पर्ने सम्भावना छ ।