न्युयोर्कको क्वीन्स स्थीत अष्टोरिया नजिक भूकम्पको धक्का, रुजभेल्ट आइल्याण्डमा विष्फोट
प्रकाशित मिति : पुस १७, २०८० मंगलबार
एउटा सानो भूकम्पले मंगलबार विहानै क्वीन्सका केही भागहरू हल्लाएको छ । मङ्गलबार बिहान रुजभेल्ट आइल्याण्डमा सुनिएको विस्फोटको कारण भूकम्प भएको हुनसक्ने अधिकारीहरूले बताएका छन् ।
अमेरिकी भूगर्भ सेवाका अनुसार बिहान ५ बजेर ४५ मिनेटमा अस्टोरिया नजिकै १ दशमलव ७ म्याग्निच्युडको भूकम्प गएको हो । भूकम्प सम्भवतः रुजभेल्ट आइल्याण्डमा बिहान सुनिएको विस्फोटसँग जोडिएको सिटी हलका प्रमुख क्यामिल जोसेफ भार्लाकले बताएकी छिन् ।
विष्फोटको विषय धेरै क्वीन्स र म्यानहट्टनका बासिन्दाहरूका लागि रहस्यको विषय बनेको थियो । जो कम्पन र बिष्फोटको चर्को आवाजका कारण ब्युँझिएका थिए। न्युयोर्क सिटीका केही बासिन्दाले विहान पौने ६ बजे हल्लाएको अनुभव गरेको सामाजिक सञ्जालमा पोष्ट गरेका थिए ।
Anyone feel that shake around 5 45?
— Andrew Fine (@AFineBlogger) January 2, 2024
खासगरी अष्टोरिया क्षेत्रका बासिन्दाले आफूलाई हल्लाएको अनुभव गरेको बताए । तर सबै अन्योलका बावजुद भूकम्प धेरै हदसम्म सामान्य भएको देखिन्छ। कसैलाई पनि कुनै चोटपटक नलागेको अधिकारीहरूले बताएका छन् ।
USGS reports a 1.7 magnitude earthquake near Astoria, Queens. No reports of damage/injuries in NYC. https://t.co/NYNndokAiD. Multilingual & ASL Link: https://t.co/wkfR6VbhBK
— NYCEM – Notify NYC (@NotifyNYC) January 2, 2024
म्यानहट्टन बरोका अध्यक्ष मार्क लेभिनले भूकम्पले रुजवेल्ट टापुमा सानो विस्फोट भएको र विद्युत आपूर्तिमा अवरोध उत्पन्न भएको सामाजिक सञ्जालमार्फत जानकारी दिए । उनले बासिन्दाहरूलाई भूकम्पको बारेमा डाटा रिपोर्ट गर्न सुझाव समेत दिएका थिए ।
** @USGS reports 1.7 mag earthquake this morning centered on Astoria, Queens **
This caused small explosions and power outage on Roosevelt island. Thankfully no injuries.
USGA is collecting data on this event. Report what you experienced here: https://t.co/KJ04EJ9aKJ
— Mark D. Levine (@MarkLevineNYC) January 2, 2024
