गर्मीमा किन एयर कन्डिशनर ७८ डिग्रीमा राख्न सुझाव दिइन्छ?
प्रकाशित मिति : जेष्ठ ३०, २०८१ बुधबार
![](https://i0.wp.com/www.khasokhas.com/wp-content/uploads/2024/06/Air-Condition.jpg?fit=1055%2C616&ssl=1)
गर्मी मौषममा न्युयोर्कबासीहरु बढी जोखिममा रहदै आएका छन् । गत वर्ष अत्यधिक गर्मीका कारण ३५० जना न्युयोर्कवासीहरूले अकालमै ज्यान गुमाएका थिए । वृद्ध वा हृदय रोग वा दम जस्ता अन्य स्वास्थ्य अवस्थाहरू भएकाहरु बढी जोखिममा रहदै आएका छन् ।
न्युयोर्क शहरमा अत्यधिक गर्मी एक गम्भीर खतरा भएकाले न्युयोर्कवासीहरूले गर्मी महिनाहरूमा थप सावधान रहनु आवश्यक छ। राष्ट्रिय मौसम सेवा वा अन्य समाचार स्रोतमा नियमित रूपमा गर्मी सूचकांक जाँच गर्नुपर्छ । तापक्रम सूचकांक तापक्रम र आर्द्रताको आधारमा कति तातो महसुस हुन्छ भन्ने मापन हो। समान्यतया ९५ डिग्री फारेनहाइट भन्दा माथिको ताप सूचकांक विशेष गरी खतरनाक छ।
यदि घरमा तापक्रम ९० डिग्रीभन्दा माथि पुगेमा सुरक्षित, आरामदायी र पैसा बचत गर्न आफ्नो एयर कन्डिशनर कम्तिमा ७८ डिग्री वा त्योभन्दा कम चिसोमा सेट गर्न सुझाव दिइएको छ । झ्याल वा पर्दाहरू बन्द गर्न, सकभर चुलो र ओवन प्रयोग नगर्न, ठिक्कको चिसो पानीले नुहाउन, तिर्खा नलागेको भए पनि प्रशस्त पानी पिउन, मापक पदार्थ, क्याफिन वा धेरै चिनी भएको पेय पदार्थ कम पिउन स्थानीय सरकारले सुझाव दिएको छ ।
![woman and man standing on water fountain](https://i0.wp.com/www.khasokhas.com/wp-content/uploads/2024/06/2unjurpzy6w-e1718228763793.jpg?resize=720%2C369&ssl=1)
संघीय र स्थानीय सरकारहरुले एयर कन्डिशनर ७८ डिग्रीमा राख्न सुझाव दिनुको विशेष कारण छ । आराम र ऊर्जा बचतबीच सन्तुलनको लागि एयर कन्डिसनर प्रयोग गर्दा ७८ डिग्रीमा सेट गर्न सिफारिस गरिन्छ।
तपाईंले ७२ डिग्रीभन्दा माथि सेट गर्नुभएको प्रत्येक डिग्रीको लागि तपाईंले आफ्नो कूलिंग लागतमा ३ प्रतिशत सम्म बचत गर्न सक्नुहुन्छ। यसलाई कम तापक्रमको सट्टा ७८ डिग्रीमा सेट गर्नाले तपाईंको ऊर्जा बिलमा महत्त्वपूर्ण बचत हुन सक्छ।
यूएस ऊर्जा विभागले गर्मीका महिनाहरूमा एयर कन्डिसनरहरूको लागि ७८ डिग्री सबैभन्दा राम्रो तापमान सेटिङ भएको जनाएको छ । जसले ऊर्जाको प्रयोगलाई कम गर्दै आराम कायम राख्न मद्दत गर्दछ ।
साथै ७८ डिग्री वा सो भन्दा माथिको सेटिङहरूले तपाईंको वातानुकूलित प्रणालीमा कामको भार कम गर्छ, जसले जसले गर्दा एयर कन्डिशनरको आयु लामो हुन्छ भने मर्मत खर्च पनि कम हुन्छ । घरबाहिर हुँदा थर्मोस्ट्याट सेटिङ ७ देखि १० डिग्री बढाएर तपाईंको ऊर्जा बिलमा १० प्रतिशत सम्म बचत गर्न सकिन्छ ।
यदि कम आम्दानीका कारण तपाई एयर कन्डिसनरको लागि तिर्न संघर्ष गर्दै हुनुहुन्छ भने तपाईं गृह ऊर्जा सहायता कार्यक्रम मार्फत ऊर्जा सहायताको लागि योग्य हुन सक्नुहुनेछ ।