पढाई छाडेको ८३ वर्ष पछि १०५ वर्षकी हजुरआमाले लिइन् स्ट्यानफोर्डबाट मास्टर्स डिग्री
प्रकाशित मिति : असार ५, २०८१ बुधबार
अमेरिकामा १०५ बषैकी हजुरआमा भर्जिनिया हिस्लपले क्यालिफोर्नियाको स्ट्यानफोर्ड युनिभर्सिटीबाट बाट मास्टर्स डिग्री हासिल गर्दै आफ्नो शिक्षा पूरा गरेकी छिन् । आइतवार हिस्लपले स्ट्यानफोर्ड युनिभर्सिटीबाट शिक्षामा कलाको मास्टर्स डिग्रीको उत्सव मनाइन् ।
पढाई छाडेको ८३ बर्षपछि उनले यो क्याम्पस डिग्री हासिल गरेकी हुन् । आफूले यो डिग्रीको साथ मान्यता पाउँदा खुसी लागेको उनले बताइन् । सन् १९४१ मा दोस्रो विश्वयुद्धमा अमेरिकाको प्रत्यक्ष संलग्नताको पूर्वसन्ध्यामा उनको मंगेतरलाई अमेरिकी सेनामा बोलाइने तयारी हुँदा हिस्लपले थेसिस बाँकी छाडेकी थिइन् ।
उनले सन् १९३६ देखि स्ट्यानफोर्डमा पढ्न सुरु गरेकी थिइन् । उनले स्नातकोत्तर अध्ययनमा सुरु गर्नु अघि त्यहीबाट स्नातक गरेकी थिइन् । उनले कानून पढ्न चाहन्थिन्त । तर उनको बुबाले कानून पढ्नका लागि शुल्क नतिरेपछि उनले शिक्षामा डिग्री रोजिन् ।
हिस्लपले स्नातकोत्तरको लागि पढाई पूरा गरिसकेकी थिइन् । केबल उनको थेसिसको अन्तिम संस्करणमा मात्र परिवर्तन गर्न बाँकी थियो । त्यहीबेला उनले शहर छोडिन् । र ओक्लाहोमामा फोर्ट सिलमा आफ्नो पतिको आर्मी पोस्ट नजिकै हनिमुन मनाइन्। यसो गर्नु आफ्नो रोजाई नभएको तर अरु विकल्प पनि नभएको उनले बताइन् ।
त्यस समयमा उनले विवाह र भविष्यको परिवारको लागि आफ्नो क्यारियरको बलिदान दिएकी थिइन् । यसलाई युद्ध प्रयासलाई समर्थन गर्ने तरिकाको रूपमा हेरिएको थियो। यो अमेरिकाको लागि बलिदान थियो।
क्यालिफोर्निया हुर्किएकी उनी युद्ध पछि पति जर्जसँग वाशिंगटनमा बस्न थालिन् । त्यहाँ उनले पशुपालनको पारिवारिक व्यवसायमा सघाइन् । उनीहरूले दुई छोराछोरी हुर्काए । जसले गर्दा उनले पढाईलाई अगाडि बढाउन सकिनन् । उनी अध्यापन पेशामा पनि फर्किन सकिनन् । तर उनले शैक्षिक सुधारका क्षेत्रमा भने धेरै काम गरेकी छिन् ।