न्युयोर्क सिटीको ब्रुकलिनमा उबर चालकको टाउकोमा गोली प्रहार
प्रकाशित मिति : असार ७, २०८१ शुक्रबार
न्युयोर्क सिटीको ब्रुकलिनमा उबर चालकको टाउकोमा गोली प्रहार भएको प्रहरीले जनाएको छ । बिहीबार राति ब्रुकलिनको एउटा अपार्टमेन्ट भवन बाहिर दुई जना पुरुषसँगको झगडाका क्रममा एक उबर चालकलाई टाउकोमा गोली लागेको हो ।
अधिकारीहरूले ५२ वर्षीय उबर चालकलाई कालो मर्सिडीजमा टाउकोमा बन्दुकको गोली लागेको अवस्थामा फेला पारेका थिए । घटना प्रोस्पेक्ट हाइट्स नजिकै ३२० लिंकन प्लेसमा भएको हो । घाइतेलाई गम्भीर अवस्थामा अस्पताल लगिएको थियो ।
गोली चलाउनुको कारण तत्काल खुल्न सकेको छैन । प्रहरीले घटनास्थलबाट भागेका दुई पुरुषको खोजी गरिरहेको छ । संदिग्ध यात्रुहरू थिए वा अरु कोही थिए भन्ने स्पष्ट छैन। अहिलेसम्म कोहीपनि पक्राउ परेका छैनन् ।
न्युयोर्क सिटीमा नेपाली उबर चालकहरुको संख्या पनि उल्लेख्य रहेको छ । नेपाली उबर चालकहरुमाथि पनि आक्रमण र दुब्र्यब्हारका घटनाहरु न्युयोर्क सिटीमा नौला होइनन् ।