न्युयोर्कका होटलहरूमा स्याम्पुका साना बोतलहरूमा प्रतिबन्ध लगाइदै
प्रकाशित मिति : असार २८, २०८१ शुक्रबार
न्युयोर्कका होटलहरूमा शैम्पूका साना बोतलहरूमा प्रतिबन्ध लगाइने भएको छ । न्युयोर्क संसदले ५० भन्दा बढी कोठा भएका होटलमा १२ आउन्सभन्दा कम स्याम्पुका बोतल प्रयोग गर्न प्रतिबन्ध लगाउने बिल पारित गरेको छ ।
नयाँ नियम आगामी जनवरी १ मा सुरु हुनेछ । नियम तोड्ने होटलहरूले पहिले चेतावनी प्राप्त गर्नेछन् भने यसलाई सच्याउन ३० दिनको समय दिइनेछ । यदि तिनीहरूले त्यसो गर्न असफल भएमा २५० डलर जरिवाना हुनेछ ।
अर्को ३० दिन पछि होटललाई ५ सय डलर जरिवाना हुनसक्नेछ । सन् २०१९ मा पहिलो पटक पेश गरिएको बिलको उद्देश्य होटेलहरूमा सानो प्लास्टिकको बोतलमा स्याम्पु लगायतका सामाग्रीहरु उपलब्ध गराउन रोक लगाउनु हो ।
प्रतिबन्धको कारण एकल प्रयोग हुने प्लास्टिकको प्रयोगलाई रोक्नु भएको अधिकारीहरूले बताएका छन् । यो नियम स्याम्पु, कन्डिसनर, लोशन र तरल साबुनमा लागु हुनेछ । ५० भन्दा कम कोठा भएका होटलका हकमा यो कानुन सन् २०२६ देखि लागू हुनेछ।