ट्रम्पका उपराष्ट्रपति उम्मेदबार ३९ बर्षीय जेडी भेन्स
प्रकाशित मिति : असार ३१, २०८१ सोमबार
पूर्व राष्ट्रपति डोनाल्ड ट्रम्पले ओहायोका सिनेटर जेडी भेन्सलाई आफ्नो उपराष्ट्रपति उम्मेदबारका लागि छनौट गरेका छन् । युवा सिनेटर ३९ बर्षीय भेन्सले रिपब्लिकन उम्मेदबारीमा नयाँ ऊर्जा ल्याउने अपेक्षा गरिएको छ ।
भेन्स गत वर्ष मात्र सिनेटमा प्रवेश गरेका नयाँ राजनीतिक व्यक्ति हुन् । उनले २०२२ सिनेटको चुनावमा ट्रम्पको समर्थन प्राप्त गरेपछि उनलाई भीडभाडयुक्त उम्मेदबारीबाट माथि उचालेको थियो भने अन्ततः उनले सिनेटरमा चुनाव जित्न सफल भएका थिए ।
मिडलटाउन, ओहायोमा जन्मेका भेन्सले ओहायो स्टेट युनिभर्सिटीमा राजनीति विज्ञान र दर्शन अध्ययन गर्नु अघि र येल ल स्कूलबाट जुरिस डाक्टर कमाउनु अघि मरीन कोरमा सेवा गरेका थिए । उनको संस्मरण न्यूयोर्क टाइम्स बेस्टसेलर बनेको थियो भने राष्ट्रपति चुनावको समयमा प्रेस ध्यान आकर्षित गरेको थियो ।
उनले २०२१ मा ओहायोको सिनेट सिटको लागि आफ्नो पहिलो राजनीतिक अभियान सुरु गरेका थिए । उनले निर्वाचनमा डेमोक्रेटिक पार्टीका उम्मेदवार टिम रायनलाई पराजित गरेका थिए ।
उनी सिलिकन भ्यालीका उद्यमी पुँजीपति पनि हुन् । पछि उनी संसद र टेलिभिजनमा पूर्व राष्ट्रपति ट्रम्पको शीर्ष पक्षधरको रूपमा उभिए । उपराष्ट्रपति उम्मेदबारका लागि ट्रम्पको छनौट पेन्सिल्भेनियामा एक र्यालीमा भएको हत्या प्रयासबाट बाँचेको केही दिन पछि आएको हो ।
ट्रम्पका धेरै सहयोगीहरू भन्दा अगाडि बढेर भेन्सले ट्रम्पमाथि भएको आक्रमाणका लागि राष्ट्रपति बाइडेनको भनाई र बाइडेनको चुनावी अभियानलाई आरोप लगाएका थिए । जबकी ट्रम्प र उनको अभियानले एकताको लागि आह्वान गरेको थियो ।
बाइडेन अभियानले ट्रम्पलाई एक अधिनायकवादी फासिवादीको आरोप लगाउँदै कुनै पनि हालतमा रोक्नुपर्ने आव्हान गरेकाले ट्रम्पको हत्या प्रयास भएको आरोप भेन्सले सामाजिक सञ्जालमा लगाएका थिए ।