अमेरिकामा रिटायर्डका लागि सबैभन्दा उत्कृष्ट राज्यको सुची प्रकाशित, न्युयोर्क किन सबैभन्दा खराबमा?
प्रकाशित मिति : श्रावण ७, २०८१ सोमबार
अमेरिकामा रिटायर्ड जीवन विताउनका लागि सबैभन्दा उत्तम राज्यहरुको नयाँ सुची प्रकाशित गरिएको छ । सस्तो, उच्च गुणस्तरको स्वास्थ्य सेवामा पहुँच, समग्र कल्याण र अन्य कोटीहरूमा उच्च अंकको आधारमा यो सुची निर्धारण गरिएको हो । बैंकरेटको वार्षिक रैंकिंगमा सबैभन्दा उत्कृष्टमा शीर्ष स्थानमा डेलावर परेको छ ।
बैंकरेटले राज्यहरूलाई पाँच प्रमुख मेट्रिक्समा स्कोरको आधारमा क्रमबद्ध गरेको हो । किफायती, समग्र कल्याण, स्वास्थ्य सेवामा पहुँच, मौसम र अपराध दरका आधारमा उक्त सुची तयार पारिएके हो । धेरैजसो रिटायर्ड हुनेहरुका लागि सस्तोको महत्त्वलाई ध्यानमा राख्दै सस्तोलाई अन्य कोटिहरू बढी महत्व दिइएको छ ।
कुल स्कोरको ४० प्रतिशत सस्तोको लागि, २५ प्रतिशत समग्र कल्याणका लागि, २० प्रतिशत स्वास्थ्य सेवामा पहुँचका लागि, १० प्रतिशत मौषमका लागि र ५ प्रतिशत अपराध दरका लागि दिइएको छ । किफायती मेट्रिकका कारण डेलावेयर २ नम्बरबाट १ नम्बरमा आएको हो । उत्कृष्टमा दोश्रोमा वेष्ट भर्जिनिया, तेश्रोमा जर्जिया, चौथोमा साउथ क्यारोलिना र पाँचौंमा मिजौरी रहेका छन् ।
अमेरिकामा खाद्यान्नको मूल्य २०१९ पछि नाटकीय रूपमा बढेको छ । ३० बर्षको तुलनामा अमेरिकीहरूले आफ्नो आम्दानीको सबैभन्दा बढी खाद्यान्नमा खर्च गरिरहेका छन् । अप्रिल २०२३ को तुलनामा अप्रिल २०२४ मा घरको मूल्य ५ दशमलव ३ प्रतिशतले बढेको छ । गाडीको इन्सुरेन्स गत जुनमा अघिल्लो बर्षको तुलनाम १९ दशमलव ५ प्रतिशतले बढेको छ ।
डेलावेयरमा जीवनयापनको लागत राष्ट्रिय औसत भन्दा उच्च भएपनि राज्यले अन्य किफायती मेट्रिक्समा राम्रो स्कोर गरेको छ। उदाहरणका लागि यसमा कुनै राज्य वा स्थानीय बिक्री कर छैन । बासिन्दाहरूले सामाजिक सुरक्षा लाभहरूमा आयकर तिर्न पर्दैन। राज्यले बासिन्दाहरूलाई उच्च गुणस्तरको स्वास्थ्य सेवामा पहुँच पनि प्रदान गर्दछ ।
रिटाडर्य जीवन विताउनका लागि सबैभन्दा खराब अर्थात् ५० औं नम्बरमा अलास्का रहेको छ । अलास्कापछि सबैभन्दा खराब ४९ औं नम्बरमा न्युयोर्क र ४८ औं नम्बरमा वासिंटन रहेका छन् । क्यालिफोर्निया ४७ नम्बरमा रहेको छ । जीवनयापनको उच्च लागतको कारण यी राज्यहरु सबैभन्दा खराबमा परेका हुन् । रिटायर्ड जीवनमा व्यक्तिले एक निश्चित आयमा भरपर्नुपर्ने भएकाले जीवनयापनको उच्च लागतका कारण यी राज्यमा बस्नु तनावपूर्ण हुन सक्छ।
सम्पूर्ण सुची हेर्न यहाँ क्लीक गर्नुहोला ।
