अमेरिकाको जर्जिया हाईस्कुलमा गोली चल्दा २ विद्यार्थी र २ शिक्षकको मृत्यु, १४ वर्षीय बन्दुकधारी हिराशतमा
प्रकाशित मिति : भाद्र १९, २०८१ बुधबार
अमेरिकाको जर्जिया स्थीत हाईस्कुलमा गोली चल्दा २ विद्यार्थी र २ शिक्षकको मृत्यु भएको छ । गोली चलाएको अभियोगमा विन्डरमा रहेको अपलाची हाई स्कूलका एक १४ वर्षीय विद्यार्थीलाई हिरासतमा लिइएको छ भने हत्याको अभियोग लगाइने अधिकारीहरूले बताएका छन् ।
१४ वर्षीय विद्यार्थीले बुधवार आत्मसमर्पण गर्नु अघि जर्जिया हाई स्कूलमा गोली चलाउँदा दुई विद्यार्थी र दुई शिक्षकको ज्यान गएको हो । बन्दुकको आवाज सुनेपछि विद्यार्थीहरुmले आफूलाई कक्षाकोठामा थुनेका थिए । घटनामा कम्तिमा नौ जना घाइते भएका छन् ।
एटलान्टाको बाहिरी भागमा रहेको लगभग १८ हजार मानिसहरूको बसोबास रहेको सहर विन्डरमा गोलीकाण्डपछि डर फैलिएको छ । गोली चलाउने कोल्ट ग्रेलाई वयस्कको रूपमा अभियोग लगाइने भएको छ ।
गोलीकाण्ड जर्जियाको इतिहासमा स्कूल हिंसाको सबैभन्दा घातक घटना हो । राष्ट्रपति जो बाइडेनले एक विज्ञप्तिमा यस आक्रमणलाई बन्दुक हिंसाले समुदायलाई क्षतविक्षत पारेको डलरलाग्दो उदाहरण भन्दै शोक व्यक्त गरेका छन् । अधिकारीहरूले अहिलेसम्म कुनै पनि मृतकको नाम सार्वजनिक थरेका छैनन् । यद्यपि उनीहरूले यसबारे आजै अपडेट प्रदान गर्ने योजना बनाएका छन् ।
नेभल पोस्टग्रेजुएट स्कूलको सेन्टर फर होमल्याण्ड डिफेन्स एन्ड सेक्युरिटीले संकलन गरेको तथ्याङ्क अनुसार सन् १९७० र जुन २०२२ को शुरुवातको बीचमा जर्जियाका विद्यालयहरूमा करिब ७० वटा गोलीकाण्ड भएका छन्। तर विन्डरको अपलाची हाई स्कूलमा बुधबार भएको आक्रमण सबैभन्दा घातक थियो ।