काठमाडौंका आधा दर्जन विद्यालयमा बम, भेटियो बम राख्नेको पर्चा (तस्विर सहित)
प्रकाशित मिति : आश्विन ४, २०७३ मंगलबार
बिद्यालयलाई लक्षित गरी काठमाडौंमा मंगलवार विहान बम विस्फोट गराइएको छ । काठमाडौं दक्षिण ढोकास्थित आकाशदीप र मनकामना स्कूललाई लक्षित गरी बम विस्फोट गराइएको छ । आकाशदीप र मनकामना स्कुलको मुख्यद्धारमै विस्फोट गराइएको प्रहरीले जनाएको छ । तर मानवीय क्षति भने भएको छैन ।
ललितपुरको रेडियन्ट रिडर्स एकेडेमीको अगाडी प्रेसर कुकर बम फेला परेको ललितपुर प्रहरी प्रमुख पिताम्बर अधिकारीले जानकारी दिए । अहिले नेपाली सेनाको डिस्पोजल टोलीले बम निस्कृय पार्ने प्रयास गरिरहेको छ ।
जोरपाटीमा रहेको राई स्कूल, माउन्ट युराल, इस्टपोल, लामा पेट्रोल पम्प र स्वयम्भूको एकठाउँमा बम फेला परेको प्रहरीले जानकारी दिए । त्यसैगरी काठमाडौका कपन र बौद्धमा पनि शंकास्पद बस्तु फेला परेको छ । बम बिहान ३ बजेर ४५ मिनेटदेखि ४ बजेको बीचमा विस्फोट गरिएको हो । विस्फोटबाट विद्यालयको भौतिक पूर्वाधारमा क्षति पुगेको छ ।
ती स्थानबाट योङ कम्युनिस्ट फोर्स नेपाल र अखिल नेपाल राष्ट्रिय स्वतन्त्र बिद्यार्थी केन्द्रको पर्चा पनि भेटिएको छ। काठमाडौं प्रहरीले योङ कम्युनिस्ट फोर्स नेपालका दुई जनालाई पक्राउ गरेको छ। बिष्फोटबाट मानवीय क्षती भने भएको छैन् ।
तस्विर श्रोत : सेतोपाटी, नागरिक र इकान्तिपुर
