अमेरिकी राष्ट्रपतिको दौडमा रहेकी हिलारीको नेपाल भ्रमणका तस्विर
प्रकाशित मिति : आश्विन १२, २०७३ बुधबार
अमेरिकाको भावी राष्ट्रपति बन्ने दौडमा हिलारी क्लिन्टन रिपब्लिकन उम्मेदवार डोनाल्ड ट्रम्पसँगको प्रतिस्पर्धामा छिन् । डेमोक्रेटिक उम्मेदवार क्लिन्टलाई अमेरिकामा बस्ने अधिकांश नेपालीहरुको समर्थन रहेको छ । झण्डै २५ हजार नेपाली मतदाताहरु रहेको अमेरिकामा डोनाल्ड ट्रम्पलाई समर्थन गर्ने नेपाली अमेरिकनहरुको संख्या न्यून रहेको छ । यीनै हिलारी क्लिन्टनले सन् १९९५ को मार्च ३१ मा नेपालको भ्रमण समेत गरेकी थिइन् । जुन प्रसंग उनले आफ्नो पुस्तकमा पनि उल्लेख गरेकी छिन् ।
महिला र बालबालिकाको हीतमा अन्तर्राष्ट्रिय जागरणका लागि हिलारीले नेपालको भ्रमण गरेकी थिइन् । आफ्नी छोरी चेल्सीका साथमा हिलारीले तीनदिने नेपाल भ्रमण गरेकी थिइन् । बिल क्लिन्टन राष्ट्रपति भएको बखत अमेरिकी प्रथम महिलाका रुपमा नेपालको भ्रमण गरेकी हिलारीलाई तत्कालिन रानी ऐश्वर्याले विमानस्थलमा स्वागत गरेकी थिइन् । त्यतीबेलाका केही तस्विरहरु गेटी र एपीबाट ।
