२० बर्षपछि ट्वाक्क टुक्क लिएर दिनेश डिसी, ऋषी धमलाको पनि अभिनय
प्रकाशित मिति : आश्विन २१, २०७३ शुक्रबार
२० बर्षअगाडि नेपाल टेलिभिजनबाट प्रशारण हुने हाँस्य कार्यक्रम ‘ट्वाक्क टुक्क’ अब कान्तिपुर टेलिभिजनबाट प्रशारण हुने भएको छ । एड रिलिजले निर्माण गर्न लागेको कार्यक्रम ‘ट्वाक्क टुक्क रिटर्न्स’ को नाममा हरेक शुक्रवार बेलुका साढे सात बजेबाट प्रसारण हुने भएको छ । ‘ट्वाक्क टुक्क रिटर्न्स’ को पहिलो भागमा पत्रकार ऋषी धमलाको समेत अभिनय रहने भएको छ ।
कार्यक्रम २० बर्ष अगाडि जस्तै अहिले पनि दिनेश डिसीले नै गर्ने भएका छन् । ‘ट्वाक्क टुक्क रिटन्र्स’ मा दिनेश डिसी, महादेव त्रिपाठी, रेशम फिरिरी,शुशिला निरौला, जुंगे भट्टराई, माधब पण्डित,शंकर पाण्डे, सुरेश असिम आदिको समेत अभिनय रहने भएको छ ।
२० बर्षअगाडी दिनेश डिसी निर्देशन गर्दा कलाकारहरु दिपकराज गिरी, जितु नेपाल, गोपाल नेपाल फिस्टे, नारद खतिवडा, नारायण त्रिपाठी, रबी लामीछाने, महादेब त्रिपाठी, राजन घिमीरे लगायतले अभिनय गरेका थिए । कार्यक्रममा हरेक हप्ता एक सेलिब्रेटीको अभिनय राखिने जनाइएको छ ।
ट्वाक्क टुक्कको शीर्ष गीत रेकर्डका क्रममा ।
