फूलपातीमा न्युयोर्कको दुर्गा मन्दिरमा नेपाली भक्तजनको भींड
प्रकाशित मिति : आश्विन २२, २०७३ शनिबार
अमेरिकाको न्युयोर्क रिजउडमा रहेको दुर्गा मन्दिरमा फूलपातीको दिनमा नेपाली भक्तजनहरु उपस्थीत भएर पूजाआजा गरेका छन् । फूलपातीको दिनमा मन्दिरमा भक्तजनको घुइचो लागेको पण्डित हरिनारायण सापकोटाले जनाएका छन् । रिजउडका दुर्गा मन्दिरमा फूलपातीको दिनमा फूलपाती भित्राउने कार्यक्रम समेत गरिदै आएको छ ।
दुर्गा मन्दिरमा विधिपूर्वक घटस्थापना गर्नुका साथै जमरा राखिएको थियो ।
जमरा सम्पूर्ण न्युयोर्क बासीहरुलाई पुग्ने गरी राखिएको तथा घरमा जमरा राख्न नपाउनु भएको भए बिजयादशमीको दिन जमरा लिन मन्दिरमा आउन साथै उक्त दिन मन्दिरमा टिका ग्रहणको कार्यक्रम समेत रहेको जानकारी शाहीले गराएका छन् ।
तस्विर: हरिनारायण सापकोटा
