अदालती फैसलाले डाका अन्त्य गर्ने ट्रम्पको घोषणालाई असर नपार्ने
प्रकाशित मिति : फाल्गुन १६, २०७४ बुधबार
बाल्यकालमा अमेरिकाआएका कागजपत्रविहिनहरुका लागि अर्को जीत भएको छ । सरकारले डाकाप्राप्त व्यक्तिका वर्क परमिट र अन्य संरक्षणहरु उनीहरुलाई कुनै सुचना नदिईकनै वा आफ्नोबारेमा वचाउका लागि अवशर नदिइकनै खारेज गर्न नपाउने क्यालिफोर्नियाका संघीय न्यायाधिसले फैसला सुनाएका छन् ।
ओबामा युगमा बाल्यकालमा अमेरिका आएका कागजपत्रविहिनहरुलाई संरक्षणका लागि डाका कार्यक्रम ल्याइएको थियो । तर ट्रम्प प्रशासनले यो कार्यक्रम असंवैधानिक रहेको भन्दै अन्त्यको घोषणा गरेको थियो ।
अदालतको नयाँ आदेशले डाका कार्यक्रम अन्त्य गर्ने ट्रम्पको घोषणालाई भने खास फरक पार्दैन । बरु वचाउको मौका विना नै कैयन व्यक्तिका डाका संरक्षण खारेज गरिदै आएकोमा अब भने सरकारले त्यसो गर्न पाउँदैन ।
अमेरिकामा डाकाप्राप्त नेपालीहरु ६० जना रहेका छन् ।