राष्ट्रपति निवासमा दशैं, टिका थाप्न सर्वसाधारणको भींड (फोटो फिचर)
प्रकाशित मिति : आश्विन २५, २०७३ मंगलबार
बडादशैंको अवसरमा राष्ट्रपति विद्यादेवी भण्डारीले सर्वसाधारणलाई टीका लगाइदिनुभएको छ । शीतल निवासमा दिउँसो २ बजेपछि राष्ट्रपति भण्डारीले सर्वसाधारणलाई टीका लगाइदिनु भएको हो ।
सर्वसाधारणको लाम लामो भएकाले टीका थाप्ने कार्यक्रम साँझसम्म चलेको थियो । राष्ट्रपति भण्डारीले प्रधानन्यायाधीश सुशीला कार्कीलाई पनि टीका लगाइदिनुभएको छ ।
त्यस्तै पूर्वप्रधानमन्त्री एवम् नेकपा एमालेका अध्यक्ष केपी शर्मा ओली, पूर्वमन्त्री, सांसद, सुरक्षा निकायका प्रमुखलगायतले टीका तथा प्रसाद ग्रहण गर्नुभएको छ ।
यसअघि बिहान ८ बजेर ४५ मिनेटको शुभसाइतमा राष्ट्रपति भण्डारीले हनुमानढोका दरबारका मूल पुजारी देवराज अर्यालबाट टीका तथा जमरा ग्रहण गर्नुभएको थियो । राष्ट्रपतिले परिवार र आफन्तजनलाई पनि सोही साइतमा टीका लगाइदिनुभएको थियो ।
फोटो: किशोर पन्थी / खसोखास
