न्युयोर्कस्थित ट्रम्प टावरमा आगलागी, १ को मृत्यु, ४ घाइते
प्रकाशित मिति : चैत्र २५, २०७४ आईतबार
अमेरिकाको न्युयोर्कस्थित ट्रम्प टावरमा शनिबार आगलागी भएको अमेरिकी अग्नि नियन्त्रण विभागले जनाएको छ। आगलागीमा १ जनाको मृत्यु भएको छ । आगो निभाउने क्रममा ४ जना अग्नि नियन्त्रक घाइते भएको विभागले बताएको छ ।
स्थानीय समयअनुसार बेलुका ५:३० बजे ५० तलामा आगोको मुस्लो देखिएको थियो । राती ८ बजे आगो नियन्त्रणमा आएको छ ।
न्युयोर्कको फिफ्थ एभेन्युमा रहेको उक्त भवनमा अमेरिकी राष्ट्रपति डोनाल्ड ट्रम्प वासिङ्टन जानुपूर्व ट्रम्प र उनको परिवारका सदस्य बस्दै आएका थिए । टावरमा आगलागी हुँदा राष्ट्रपति ट्रम्प वासिङटनमा थिए ।