अपडेट : भेटिए न्युयोर्कमा हराएका १४ बर्षीय नेपाली बालक
प्रकाशित मिति : बैशाख ३१, २०७५ सोमबार
न्युयोर्कमा शुक्रबारदेखि हराएका १४ बर्षका एक नेपाली बालक सोमबार भेटिएका छन् । न्युयोर्कको क्वीन्समा रहेको आफ्नै निवासबाट बेपत्ता भएका १४ बर्षका सोनाम शेर्पा सोमबार भेटिएको पारिवारिक श्रोतले जानकारी दिएको छ ।
उनी बेपत्ता भएपछि न्युयोर्क प्रहरी विभागले सुचना जारी गरेको थियो । शुक्रबार साढे ७ बजेसम्म घरमै रहेका ती बालकले सेता जुत्ता, सेतो टिसर्ट र खाकी पाइन्ट लगाएका थिए ।
नेपालको सिन्धुपाल्चोकका ती बालक क्वीन्समा बुबाआमासँग बस्दै आएका छन् । उनले ट्रेनमा छाडेको फोन हराएकै दिन बेलुका ७ बजे भेटिएको थियो ।
