न्युयोर्कमा नेवा: नख:को म्हपूजा भब्य (फोटो फिचर)
प्रकाशित मिति : कार्तिक १८, २०७३ बिहीबार
नेवा: नख: न्यूयोर्कले नेपाल सम्बत ११३७ को शुभकामना आदानप्रदान गर्दै म्हपुजा मनाएको छ । नेवा: समुदायको महान पर्व म्हपुजाको अवसरमा न्युर्योकस्थित शेर्पा किदुगको हलमा म्हपुजा कार्यक्रमको आयोजना गरिएको थियो । कार्यक्रममा नेवा: समुदायका साथै विभिन्न नेपाली समुदायका प्रतिनिधिहरुको साथै विदेशीहरुको पनि उपस्थिति थियो ।
नख: ले आयोजना गरेको पुजामा अध्यक्ष राजा शाक्यले सहाभागीहरुलाई स्वागत गदै नेवा: समुदायमा नयाँ बर्ष नेपाल सम्बत ११३७ को शुभकामना तथा म्हपुजाको महत्वको बारेमा जानकारी दिनुभयो ।
पुजाको शुरुवात पश्चात नेवास्रनेपाली समुदायमा महत्वपुर्ण योगदान र कार्य गदै आएका विभिन्न बिदेशी व्यक्तिहरु र आआफ्नो क्षेत्रबाट समाजमा योगदान गरेका नेवा: चेलीहरूलाई अभिनन्दन गरिएको थियो । सम्मानीत हुनेहरुमा जोली अमात्य, कञ्चन अमात्य, अलेक्जेण्डर गर्गिल, शेरी ओना हाडलिन, नातासा ओजनाइक, लुना रञ्जित, सन्जिता प्रधान, एलेन कून र नख: पुर्व अध्यक्ष बिरेन्द्र प्रधान हुनुहुन्थ्यो ।
कार्यक्रममा नेपाल कन्सुलेटको बाणिज्यदुत कृषु क्षेत्रीले नेपाल सम्वत ११३७ को नेवा: क्यालेन्डर विमोचन गरी नेपाली नयाँ बर्षको महत्व बारे प्रकाश गर्नु भै सबै नेपालीको स्वास्थ, सुख र उन्नतिको शुभकामना दिनुभयो। यो नेवा: क्यालेन्डर प्रकाशन अमेरिकामा पहिले पटक थियो । उक्त अवसरमा संस्थाका उपाध्यक्ष विष्णुमान प्रधानले सवै अतिथिहरु र सहयोगीहरूलाई धन्यवाद दिनुभयो ।
सन २०११ मा स्थापना भएको नखले तेस्रो पटक आयोजना गरेको पुजामा नेवा: समुदायका साथै अन्य विभिन्न समुदाय र विदेशी समेत उपस्थीत थिए । दिपिका श्रेष्ठले संचालन गरेको कार्यक्रममा नख: सल्लाहकार अजय छोचूंले मन्त्रविधिबाट म्हपुजा शुरु गरिएको थियो । ह्वाईट हाउस ईनिसीएटिभ अन एसियन अमेरिकन्स एन्ड प्यासिफीक आईलान्डर्स बाट पठाईएको शुभकामना सन्देश कार्यक्रम सञ्चालिका श्रेष्ठले पढेर सुनाउनु भयो ।
महिला स्वयमसेवकहरू नखका सदस्य बिमला श्रेष्ठ, श्रीकमल शाक्य, अनिता बज्राचार्य, उजिला प्रधान, संगीता मुखिया छोचूं , लघु शाक्य र सबिना शाक्यहरूले सहभागीहरूलाई पुजा गरी सगुन वितरण गर्नुभयो भने पुरूष स्वयमसेवकहरू नखका महा सचिब महेन्द्र बिर बज्राचार्य, सचिव नरेश मान शाक्य, भुतपूर्ब सचिब संजय शिलाकर, सदस्यहरू प्रज्वल प्रधान, मनोज कुमार महर्जन, सुजन श्रेष्ठ, सन्जन प्रधान, सुमन कर्माचार्य, उमेश श्रेष्ठ र मिल्लेनियम श्रेष्ठले सबैलाई नेवा: भोज खुवाउनुभयो ।
साथै गायिका संगिता छोंचुंले नेवास् भाषाको गीत गाएर सहभागीलाई मनोरन्जन दिनुभयो।
तस्विरमा म्हपूजा (फोटो : अशोक पन्त, फोटो सौजन्य – नेवा: नख: )
