कडा सुरक्षाकाबीच ट्रम्पले गरे न्युयोर्कमा मतदान
प्रकाशित मिति : कार्तिक २३, २०७३ मंगलबार
अत्यन्तै कडा सुरक्षाका बीच राष्ट्रपति पदका रिपब्लिकन उम्मेदवार डोनाल्ड ट्रम्पले न्युयोर्कमा मदतान गरेका छन् ।
ट्रम्प न्युयोर्कको म्यानहटनमा आफ्नी पत्नी र छोरीका साथ मतदानस्थलमा आएका थिए ।
सुरक्षाकर्मीहरुले घेरिएको एसयुभीमा आएका ट्रम्पलाई अत्यन्तै कडा सुरक्षा प्रदान गरिएको थियो ।
न्युयोर्क पुलिस डिपोर्टमेन्टका आतंकवादबिरोधी सेलका अधिकारीहरु पनि सुरक्षामा संलग्न रहेका थिए ।
ट्रम्प चुनावी परिणाम सार्वजनिक हुँदा सार्वजनिक रुपमा देखिएको यो नै अन्तिम पटक हुने अपेक्षा गरिएको छ ।
डोनाल्ट ट्रम्प मतदानका लागि आउँदा गएराती राम्रोसँग नसुतेको जस्तो देखिएको संचारमाध्यमहरुले जनाएका छन् ।
