ह्वाइहाउसबाट यो घरमा सर्दैछन् ओबामा
प्रकाशित मिति : मंसिर २, २०७३ बिहीबार
अमेरिकी राष्ट्रपति बराक ओबामाको कार्यकाल आगामी जनवरीमा समाप्त हुँदैछ । कार्यकाल समाप्त भएपछि ओबामा वासिंटन डिसीकै एउटा घर भाडामा लिएर सर्नेछन् ।
ह्वाइटहाउसको चमकदमकबाट ओबामा साधारण घरमा सर्न लागेका हुन् । ह्वाइटहाउस नजिकै रहेको यो घर ८२ सय स्क्वायर फिटमा फैलिएको छ । ह्वाइटहाउसबाट यो घर झण्डै १० मिनेट ड्राइभ र दुई माइलको दुरीमा रहेको छ । ओबामा सर्ने घरमा ९ वटा बेडरुम र १० वटा बाथरुम रहेका छन् ।
छोरीको पढाइबारे चिन्तित रहेका ओबामाले अर्को बर्ष छोरी सासाको हाइस्कुल ग्रयाजुएट नसकिदासम्म वासिंटन डिसीमा नै बस्ने योजना बनाएका छन् ।
६ मिलियन डलर मूल्यको यो घरको मासिक भाडा २२ हजार अमेरिकी डलर रहेको छ । यो घर बिल क्लिन्टनका तत्कालिन सल्लाहकार जो लोकहार्टको हो ।
ओबामा सर्ने घरबारे थप जान्न यहाँ क्लिक गर्नुहोला ।
तस्विर : न्युयोर्क टाइम्स र हफिंगटन पोष्ट
