अमेरिकी सिमाक्षेत्र नजिकै नजिक जलाएर मारिएका २० शव फेला
प्रकाशित मिति : पुस २७, २०७५ शुक्रबार
अमेरिकी सिमाक्षेत्रबाट झण्डै ५६ माइल नजिक २० वटा शवहरु भेटिएका छन् । ती शवहरु आगो लगाएर जलाइएको अवस्थामा भेटिएका थिए । अधिकांश शवहरु गाडीभित्र जलेको अवस्थामा भेटिएको जनाइएको छ ।
अमेरिकी राष्ट्रपति डोनाल्ड ट्रम्पले भ्रमण गरेको टेक्सासको म्याकएलन सिमाक्षेत्रबाट ५६ माइल पश्चिममा रहेको मेक्सिकोको तमउलिपसको उत्तरी राज्यको धुले बाटोमा ती शवहरु भेटिएका हुन् । शवको अधिकांश भाग जलेकाले केहीभागमात्र बाँकी रहेको अवस्थामा बुधबार दिउसो भेटिएको थियो ।
गिरोहहरुबीचको झडपमा उनीहरु मारिएको हुनसक्ने आशंका गरिएको छ । उक्त क्षेत्रमा लागु औषध र हातहतियारको कारोबार गर्ने गिरोहहरु सकृय रहदै आएका छन् ।