बुबाआमा, प्रेमिका र प्रेमिकाका बुबाआमाको हत्या गर्ने युवा भर्जिनियामा पक्राउ
प्रकाशित मिति : माघ १३, २०७५ आईतबार
अमेरिकाको लुजियानामा बाबुआमा सहित पाँचजनाको हत्या गरेको अभियोगमा २१ बर्षीय युवा भर्जिनियाको रिचमण्ड काउन्टीमा पक्राउ परेका छन् । डाकोटा थेरियोट नामको उक्त युवाले दुई स्थानमा गोली हानेर बुबाआमा, आफ्नी प्रेमिका र प्रेमिकाका बुबाआमाको हत्या गरेको थियो ।
तीनजनाको शव लिभिंस्टोनमा मोबाइल होमभित्र भेटिएको थियो भने अरु दुईजनाको शव गोन्जालेजमा निवासभित्र भेटिएको थियो । प्रहरीले घटनामा संलग्न युवाको खोजी गरिरहेको छ ।
उक्त युवाले बुबाआमाको बेडरुपमा छिरेर बन्दुक चलाएर हत्या गरेको थियो । त्यसपछि अर्को स्थानमा पुगेर आफ्नी गल्र्डफ्रेण्ड र गल्र्डफ्रेण्डका बुबाआमाको पनि हत्या गरेको थियो ।
बन्दुकधारी छोटो समयका लागि बुबाआमासँगै बस्दै आएको थियो । उसलाई बुबाआमाले घर छाड्न र फेरी कहिले नफर्कन दवाव दिदै आएका थिए । हतियारको गैरकानुनी प्रयोग गरेको र घरेलु नरसंहार गरेको अभियोगमा प्रहरीले उनीबिरुद्ध मुद्दा चलाएको छ ।