अप्रिल २ देखि गुगल प्लस बन्द हुने
प्रकाशित मिति : माघ १९, २०७५ शनिबार
आगामी अप्रिल २ देखि गुगल प्लस बन्द हुने भएको छ । आगामी अगस्तमा बन्द हुने बताइएको गुगल प्लस चारमहिना अगाडि नै अप्रिलमा बन्द हुने भएको छ ।
गत डिसेम्बरमा गुगलले सामाजिक सञ्जाल गुगल प्लस बन्द गर्ने घोषणा गरेको थियो । प्रयोगकर्ताको कमी र सेवाग्राहीहरुको चाहना पूरा गर्न नसकेका कारण गुगल प्लस बन्द गर्न लागिएको गुगलले जनाएको छ ।
गुगल प्लसले आफ्ना ५ करोड प्रयोगकर्ताका तथ्यांकहरु संरक्षित गर्न नसकेपछि बन्द गर्न लागेको जनाइएकोछ ।
अप्रिल २ मा गुगल प्लसमा बनाइएका पेजहरु बन्द हुने भएकाले प्रयोगकर्ताहरुलाई आफ्ना तस्वीरहरु डाउनलोड गरेर सेभ गर्न सुझाव दिइएको छ ।
यो लिंकमा क्लीक गरेर तपाईले आफ्नो गुगल प्लसमा भएका तस्वीर र डाटाहरु डाउनलोड गर्न सक्नुहुनेछ ।
गुगल फोटोमा राखिएका फोटो र भिडियोहरु भने डिलिट नहुने बताइएको छ । फरबरी ४ देखि गुगल प्लसमा नयाँ खाता सृजना गर्न नपाइने भएको छ ।
खसोखास भिडियो
