फ्लोरिडामा ग्यास बिष्फोट, २३ घाइते, युद्धग्रस्त क्षेत्र जस्तो बन्यो सपिङ मल
प्रकाशित मिति : असार २२, २०७६ आईतबार
अमेरिकाको दक्षिणपूर्वी सहर फ्लोरिडामा सपिङ सेन्टरमा ग्याँस विस्फोट हुँदा कम्तीमा २३ जना घाइते भएका छन् ।
प्लान्टेसन सहरमा रहेको सपिङ सेन्टरमा शनिबार भएको विस्फोटमा परी उनीहरु घाइते भएको स्थानीय सञ्चार माध्यमहरुले जनाएका छन् । घाइते मध्ये दुई जनाको अवस्था गम्भीर रहेको प्लान्टेसनस्थित अग्नि नियन्त्रक समूहका प्रमुख जोएल गोर्दोनले जानकारी दिनुभयो ।
सामाजिक सञ्जालमा देखिएको घटनास्थलसम्वन्धी भिडियो हेर्दा घटनास्थलमा धेरै नै क्षति भएको जस्तो देखिएको छ । घटनाकाबारेमा अनुसन्धान भइरहेको प्रहरी अधिकारीहरूले बताएका छन् ।
बिष्फोटबाट उक्त क्षेत्र युद्धग्रस्त क्षेत्रजस्तो बनेको प्रत्यक्षदर्शीहरुले बताएका छन् ।