अमेरिकामा गाडीको नम्बरप्लेटमा नेपालीपन (फोटो फिचर)
प्रकाशित मिति : श्रावण १, २०७६ बुधबार
अमेरिकामा रहेका कैयन नेपालीहरुले आफ्नो गाडीको नम्बरप्लेटमा नेपालीपन झल्किने नम्बरहरु राखेका छन् । अमेरिकामा गाडीको नम्बर आफूले चाहेको शब्दमा समेत कस्टमाइज गर्न पाइने भएकाले नेपालीहरुले यो सुविधालाई उपयोग गर्दै नेपालीपन झल्कने नम्बरहरु राखेका हुन् ।
अमेरिकामा बस्ने कैयन नेपालीहरुले नेपाल, नेपाली, गोरखा, गोरखाली, शेर्पा जस्ता शब्दहरु राखेर आफ्नो नम्बरप्लेट कस्टमाइज गरेका छन् । आफू नेपाली भएकोमा गर्व गर्नेहरुले नेपालीपन झल्किने यस्ता शब्दहरुबाट गाडीको नम्बरप्लेट बनाएर नेपालप्रतिको माया दर्शाउने गरेका छन् ।
हामीले केही नेपालीका नम्बरप्लेटहरुका तस्वीरहरु संकलन गरेका छौं । तपाईको नम्बरप्लेटमा पनि नेपालीपन झल्किने शब्द छ भने हामीलाई पठाउनुहोला ।
