अमेरिकामा नेपालीको रक्षाबन्धन
प्रकाशित मिति : श्रावण ३०, २०७६ बिहीबार
अमेरिकामा रहेका नेपालीहरुले पनि जनै फेरेर र डोरो लगाएर रक्षाबन्धन तथा जनैपूर्णिमा मनाएका छन् । न्युयोर्कमा रहेको रिजउड दुर्गा मन्दिरमा रक्षाबन्धनका अवशरमा रक्षाबन्धन पूजन तथा धारण कार्यक्रम समेत राखिएको छ ।
बिहिबार विहानैदेखि दुर्गामन्दिरमा रक्षाबन्धन र जनैधारणका लागि नेपालीहरु पुगेका छन् । पण्डित हरिनारायण सापकोटा र उद्धव शास्त्रीले मन्दिरमा पुग्नेहरुलाई रक्षाबन्धन र जनै धारण गराएका छन् । रक्षाबन्धन र जनैधारण कार्यक्रम रिजउड नेपाली समाजले आयोजना गरेको हो ।
रिजउड नेपाली समाजका तर्फबाट पूराना तथा नयाँ जनै हुनेले मन्त्रणाका लागि मन्दिरमा ल्याउन समेत अनुरोध गरिएको थियो । हरेक बर्ष रिजउडका दुर्गामन्दिरमा रक्षाबन्धन कार्यक्रम गरिदै आएको छ ।