अमेरिका घुम्न गएका आमाबुवाकाे सडक दुर्घटनामा छाेरीसहित मृत्यु, ज्वाइँ र नाति गम्भीर घाइते
प्रकाशित मिति : भाद्र १८, २०७६ बुधबार
अमेरिकामा सडक दुर्घटनामा परी नेपालबाट घुम्न गएका बाआमासहित छाेरीकाे मृत्यु भएकाे छ । त्यहाँकाे मिजुरी राज्यमा मंगलबार भएको साे दुर्घटनामा नेपालका श्रद्धा खनाल ओझा, उनका बुबा गोविन्द खनाल र आमा शान्ता खनालकाे ज्यान गएकाे स्थानीय प्रहरीले पुष्टि गरेकाे छ ।
अमेरिकामै रहेकी श्रद्धाका आमाबुवा नेपालबाट घुमघामका लागि केही समयअघि अमेरिका पुगेका थिए । श्रद्धाका पति प्रभाश आेझाले कार हाँकिरहेकाे वेला साे कार दुर्घटनामा परेकाे हाे । चालक ओझा घाइते भएका छन्, उनीसँगै ४ वर्षीय छोरा पनि घाइते छन् । घाइते बाबुछाेराकाे स्थानीय अस्पतालमै उपचार भइरहेकाे जनाइएकाे छ ।
प्रहरीले दिएकाे विवरण अनुसार टोयोटा आरएभी- ४ माेडलकाे आफ्नै कार हाँकेर चालक प्रभाश परिवारजनलाई लिएर मिजुरी २४९ को अन्तरराज्य राजमार्ग ४४ पूर्वतर्फ गइरहेका थिए । राताे लाइट बलेकाले उनले कार राेकिराखेका थिए तर पछाडिबाट आएकाे टोयोटाकै पिकअप ट्रकले साे कारद्याई ठक्कर दिँदा दुर्घटनाग्रस्त हुन पुग्याे । घटनाबारे थप अनुसन्धान भइरहेकाे जनाइएकाे छ ।