मनास्लु चढ्ने क्रममा एक विदेशी आरोहीको मृत्यु
प्रकाशित मिति : आश्विन १२, २०७६ आईतबार
यहाँस्थित मनास्लु हिमालकाे आरोहण गर्ने क्रममा एक विदेशी आराेहीकाे ज्यान गएकाे छ । मनास्लु चढ्ने क्रममा तेस्रो शिविर पुगेकी पोल्याण्डकी रिता डोनेटा ब्लाडेयकाे लेक लागेर मृत्यु भएकाे जनाइएकाे छ । जिल्ला प्रहरी कार्यालय गोरखाले दिएकाे जानकारी अनुसार उनी हिमाल चढ्ने क्रममा लेक लागेर बिरामी भएकी थिइन् । शिविरबाट तल ल्याउने क्रममा मृत्यु भएकाे हाे ।
६०८६७०४ नम्बरको राहदानीवाहक ब्लाडेयकाे उमेर ५० वर्ष थियाे । उनी सेभेन सम्मिट ट्रेक्स प्रालिबाट मनास्लु आरोहणका लागि गएकी त्यसतर्फ गएकाे प्रहरीकाे भनाइ छ । साे टाेलीमा १४ जना आरोही थिए । तर उनकाे शव उठ्न सकेकाे छैन ।