आतंकवादी नेता बगदादी निशानामा, मारिएको श्रोतको दावी, पुष्टी हुन बाँकी
प्रकाशित मिति : कार्तिक ९, २०७६ शनिबार
अमेरिकी सेनाले शनिबार आईसीसका नेता अबु बक्र अल बगदादीलाई निशानामा पारेको जनाइएको छ । सैन्य श्रोतले बगदादी मारिएको जनाएको छ । तर आधिकारिक रुपमा केही बताएको छैन । सीआईएले आईसीसका नेतालाई पत्ता लगाउनका लागि सहयोग गरेको जनाइएको छ ।
यो घटनासँगसँगै अमेरिकी राष्ट्रपति डोनाल्ड ट्रम्पले आइतबार विहान ९ बजे सम्बोधन गर्ने तय भएको छ । उनको सम्बोधन परराष्ट्र नीतिका बारेमा हुने जनाइएको छ । शनिबार रातीमात्र ट्रम्पले एकदम ठूलो घटना भएको भन्दै ट्वीट गरेका थिए ।
आतंकवादी संगठन आईसीस नेता बगदादी ५ बर्षदेखि भूमिगत रहदै आएको जनाइएको छ । गतबर्षको एउटा हमलामा बगदादी घाइते भएको अमेरिकी अधिकारीहरुले दावी गरेका थिए ।
सन् २०१० मा बगदादी ईस्लामिक स्टेट अफ इराक आईएसआईका नेता भएका थिए । पछि उक्त समुह ईस्लामिक स्टेट अफ इराक एण्ड लेभाण्टका रुपमा परिचित थियो ।