आतंकवादी नेता बगदादी कायर र कुकुर तस्तै मारिए : ट्रम्प
प्रकाशित मिति : कार्तिक १०, २०७६ आईतबार
आतंकवादी नेता अबु बकार अल बगदादी मारिएको अमेरिकी राष्ट्रपति डोनाल्ड ट्रम्पले घोषणा गरेका छन् । आज विहान विशेष सम्बोधन गर्दै ट्रम्पले सिरियामा बगदादी मारिएको औपचारिक घोषणा गरेका हुन् ।
उनले अमेरिकी कारवाहीका क्रममा बगदादी रोइकराई गरेको बताएका छन् । बगदादी रुदै तीनजना आफ्ना छोराछोरीहरुलाई लिएर टनेलभित्र छिरेको र कुकुर जस्तै मरेको बताएका छन् । भाग्न प्रयास भएपछि बगदादीले आफ्नो आत्महत्या भेष्ट बिष्फोट गराएर तीनजना छोराछारीसहित आत्महत्या गरेको उनले बताएका छन् ।
परिक्षणपछि उक्त व्यक्ति बगदादी नै भएको पुष्टी भएको छ । कारवाहीका क्रममा अमेरिकी सेनातर्फ कुनै क्षति नभएको उनको भनाई छ । ट्रम्पले टर्की, रसिया, सिरिया, इराक र सिरियन कुर्दहरुलाई सहयोगका लागि धन्यवाद दिएका छन् ।