टेक्सासमा ७५० सहभागी पार्टीमा गोली चल्यो, २ को मृत्यु, १४ घाइते
प्रकाशित मिति : कार्तिक १०, २०७६ आईतबार
टेक्सासको ग्रिनभिलमा शनिबार राती बन्दुकधारीको आक्रमणमा २ जनाको मृत्यु भएको छ भने १४ जना घाइते भएका छन् । घटना डलास नजिकै भएको जनाइएको छ ।
सयौं जना जम्मा भएको एउटा पार्टीको बीचमा बन्दुकधारीले आक्रमण गरेको थियो । उक्त घटना राती पौने १२ बजे भएको थियो । पार्टीमा झण्डै साढे ७ सय व्यक्ति सहभागी थिए ।
बन्दुधकारी फरार रहेको र उसको परिचय समेत नखुलेको जनाइएको छ । आक्रमणकारीको उद्देश्यबारे पनि केही खुलेको छैन । घाइतेमध्ये १० जनालाई गोली लागेको र अरु ४ जना भागदौडका क्रममा घाइते भएको जनाइएको छ ।