न्युयोर्कमा २ डलर ७५ सेन्टस् ट्रेनको भाडा नतिरका किशोरलाई पक्रन प्रहरीको हुल
प्रकाशित मिति : कार्तिक ११, २०७६ सोमबार
न्युयोर्कमा ट्रेनको भाडा नतिरी छिरेका एकजना १९ बर्षका किशोरलाई पक्रन प्रहरीको बल प्रयोग गरिएको घटनाले विवाद सृजना गरेको छ । ट्रेनको सिटमा बसेका उनलाई प्रहरीले बल प्रयोग गरी भूईमा लडाएर पक्राउ गरेको थियो ।
शुक्रबार न्युयोर्कको ब्रुकलिन फ्रयांकलिन एभिन्यु स्टेशनमा ४ नम्बर ट्रेनमा भएको उक्त घटनाको भिडियो सामाजिक सञ्जालमा भाइरल भएको छ । ट्रेनभित्र रहेका ती किशोरमाति प्रहरीले बन्दुक ताकेपछि उनले दुबैहात माथि उठाएका थिए । ट्रेनमा भागदौड मच्चिएको थियो ।
In case you’re wondering how an arrest in NYC goes down. The guy has made absolutely no indication that he would flee or fight and wasn’t trying to hide.
If you can’t see, the reason everyone moved was because all the police had taken out their guns and aimed at him. pic.twitter.com/dAstrtMntz
— Elad Nehorai (@PopChassid) October 25, 2019
प्रहरीको हुल आएर उनीमाथि बल प्रयोग गरेर पक्राउ गर्नु अगाडि उनले आमालाई बोलाइदिन भन्दै अनुरोध गरेका थिए । तर लगत्तै ट्रेनभित्र छिरेका प्रहरीका हुलले उनलाई भुईमा लडाएर हतकडी लगाएका थिए ।
प्रहरीले उनीसँग बन्दुक रहेको आशंकामा त्यसो गरेको बताएको छ । तर उनीसँग बन्दुक नभेटिएपछि उनलाई २ डलर ७५ सेन्ट भाडा नतिरी ट्रेनमा छिरेको आरोप लगाइएको छ । उनलाई हिराशतमा लिएर छानविन भइरहेको प्रहरीले जनाएको छ ।
प्रहरीले सार्वजनिक यातायातमा एकपटक भाडा छलेर चढेका व्यक्तिलाई बन्दुक ताकेर पक्राउ गरेकोमा चौतर्फी आलोचना भएको छ । प्रहरीले भने प्रत्यक्षदर्शीले एटलान्टिक र फ्लाटबस एभिन्युको बीचमा ती १९ बर्षको किशोरसँग बन्दुक रहेको बताएपछि यस्तो कदम चाल्नुपरेको बताएको छ । प्यासेफिक स्ट्रीट स्टेशनबाट भागेका ती किशोरलाई पक्राउ गर्नका लागि फ्रयांकलिन एभिन्युमा कम्तीमा १० जना प्रहरी अधिकारीहरु तयारी अवस्थामा रहेका थिए ।
प्रहरीले भने ती किशोर क्रिप्स स्ट्रीट गिरोहका सदस्य रहेको बताएको छ । जसमध्ये १४ जना पक्राउ परिसकेका छन् ।
