राष्ट्रपति र प्रधानमन्त्रीको फोटो बिगारेर सामाजिक सञ्जालमा हाल्ने युवा पक्राउ
प्रकाशित मिति : मंसिर १२, २०७६ बिहीबार
राष्ट्रपति विद्यादेवी भण्डारी र प्रधानमन्त्री केपी ओलीको तस्बीर जोडेर सामाजिक सञ्जाल फेसबुकमार्फत आपत्तिजनक र अनर्गल प्रचार गर्ने एक जना पक्राउ परेका छन् ।
राष्ट्रपति र प्रधानमन्त्रीबारे अपशब्दसहित तस्बीर जोडेर अतिरञ्जित प्रचार गर्ने आकाशसिंह ठकुरीलाई प्रहरीले कैलालीबाट पक्राउ गरेको हो ।
कैलाली प्रहरीले पक्राउ गरेका उनलाई केन्द्रीय अनुसन्धान ब्युरो (सिआईबी) ले काठमाडैं ल्याएको छ ।
ठकुरीविरुद्ध विद्युतीय कारोबार ऐन–२०७३ अन्तर्गत कारबारही अघि बढाइएको सीआईबी प्रमुख डीआईजी निरज शाहीले जानकारी दिए ।
