अमेरिकामा गणेशको तस्वीर अंकित अण्डरवेयर, हिन्दुहरुबाट विरोध
प्रकाशित मिति : मंसिर २७, २०७६ शुक्रबार
अमेरिकाको न्युजर्सीमा रहेको एउटा कपडा उत्पादन कम्पनीले गणेशको तस्वीर अंकित अण्डरवेयर निकालेपछि हिन्दुहरुले विरोध गरेका छन् । न्युजर्सीको क्लिफ्टनमा मुख्यालय रहेको उक्त कम्पनीले अण्डरवेयरमा गणेशको तस्वीर प्रिन्ट गरेर बजारमा ल्याएको थियो ।
कस्टोमन नामको कम्पनीले यस्तो अण्डरवेयर ल्याएपछि हिन्दु धर्म र भगवानको अपमान भएको भन्दै विरोध गरिएको हो । गणेशको तस्वीर अंकित उक्त अण्डरवेयरको मूल्य १८ डलर ६४ सेन्टस राखिएको छ ।
उक्त उत्पादनबारेको सेक्सनमा राम्ररी बनाइएको कट्टुमा कामुक देखिन सकिने उल्लेख छ । यो कम्पनीले टिसर्ट, ज्याकेट लगायतका सामाग्रीहरु समेत बेच्दै आएको छ ।