गाडीको शोरुममा बच्चाले गाडी कोतरेपछि पिताले तिरे १० लाख
प्रकाशित मिति : पुस ४, २०७६ शुक्रबार
गाडीको शोरुममा गएको बेला बच्चीले १० वटा गाडी कोतरेपछि उनका पिताले झण्डै १० लाख रुपैया ( ७० हजार युयान/ १० हजार डलर) जरिवाना तिर्नुपरेको छ । चीनको भएको उक्त घटनामा बच्चीका पिता साथीका लागि गाडी हेर्न शोरुममा गएका थिए ।
जब उनीहरु गाडी हेर्न व्यस्त भए, तब बच्चीले एउटा ढुंगा भेटाएर गाडी कोर्तन थालिन् । जब कसैले बच्चीले गाडी कोतरिरहेको देख्यो, त्यतीबेलासम्म उनले १० वटा गाडी कोतरिसकेकी थिइन् ।
तीनबर्षकी ती बच्चीले १० वटा औडी कार कोतरेकी थिइन् । गाडीको डिलरले बच्चीका पिताबिरुद्ध झण्डै ३० लाख रुपैया (२ लाख युयान / २८ हजार अमेरिकी डलर ) जरिवानाको दावीसहित मुद्दा दायर गरेका थिए । तर अदालतले भने १० लाख रुपैयाको क्षतिपूर्तिको फैसला गरिदिएको छ ।