अमेरिकाको शिकागोमा गोली चल्यो, १३ जनामाथि गोलीप्रहार, दुईजना प्रहरी नियन्त्रणमा
प्रकाशित मिति : पुस ६, २०७६ आईतबार
अमेरिकाको शिकागोमा गोली चलेको छ । शिकागोको साउथ मे स्ट्रीटमा आइतबारविहानै गोली चलेको जनाइएको छ ।
एउटाघरभित्र गोली चलेको र १३ जनामाथि गोली हानिएको प्रहरीले जनाएको छ । घरभित्रको भोजका क्रममा गोली चलेको प्रारम्भिक अनुमान गरिएको छ । घटनामा संलग्न भएको आशंकामा प्रहरीले दुईजनालाई नियन्त्रणमा लिएको छ ।
घटनास्थलमा एकसयजनाभन्दा धेरै प्रहरी पुगेका थिए भने गोली लागेकाहरु १६ देखि ४८ बर्ष उमेर समुहका भएको जनाइएकोे छ ।
सबै घाइतेहरुलाई नजिकैको अस्पतालमा लगिएको छ ।