किताब र सर्ट चोरेको आरोप लागेका मेक्सिकन राजदूतले दिए राजिनामा
प्रकाशित मिति : पुस ७, २०७६ सोमबार
किताब र सर्ट चोरेको आरोप लागेका मेक्सिकन राजदूतले दिए राजिनामा दिएका छन् । अर्जेन्टिनाका लागि मेक्सिकन राजदूत ७७ बर्षका रिकार्डो भेलेरोले स्वास्थ्यको कारण देखाउँदै राजिनामा दिएका हुन् ।
मेक्सिकन विदेशमन्त्रीले राजदूत रिकार्डो स्नायु सम्बन्धि रोगबाट पीडित भएको र उपचारका क्रममा रहेको बताएका छन् । राजदूत रिकार्डोले गत अक्टोबरमा किताब चोरेको भिडियो सार्वजनिक भएपछि यसै महिना फिर्ता बोलाइएको थियो ।
उनले पसलबाट १० डलर मुल्यको एउटा इटालियन लेखकको बायोग्राफी चोरेका थिए । तर उनले कुटनीतिक प्रतिरक्षाको प्रयोग गरेपछि यो मामलालाई अगाडि बढाइएको थिएन ।
भिडियो सार्वजनिक भएपछि भने उनलाई राजदूतबाट फिर्ता बोलाइएको थियो । फिर्ता आउने क्रममा रिकार्डोले विमानस्थलको पसलबाट सर्ट चोर्ने प्रयास गरेको आरोप लगाइएको छ ।
मेक्सिकोको विदेशमन्त्रालयले राजदूतको राजिनामा स्वीकार गरेको छ । रिकार्डो महान व्यक्ति भएको र उनको उपचार भइरहेको भन्दै मेक्सिकन विदेशमन्त्रीले स्वास्थ्यलाभको कामना गरेका छन् ।