जापान एयरलाइन्सले ५० हजार विदेशी पर्यटकलाई निशुल्क दुईतर्फी टिकट दिने
प्रकाशित मिति : पुस १७, २०७६ बिहीबार
जापान एयरलाइन्सले ५० हजार विदेशी पर्यटकलाई निशुल्क दुईतर्फी टिकट दिने भएको छ । सन् २०२० को जुलाई १ देखि सेप्टेम्बर ३० सम्मको बीचमा जापानभित्रका विभिन्न गन्तब्यमा जानका लागि निशुल्क दुईतर्फी टिकट दिइने भएको हो ।
ओशाका र टोकियोको विमानस्थलबाट जापानका विभिन्न गन्तब्यमा जानका लागि आन्तरिक उडानका दुईतर्फी टिकट दिइने भएको छ । तर त्यसका लागि फरबरी २०२० सम्म आवेदन दिनुपर्नेछ । आवेदन दिएको तीनदिनभित्र आवेदकले कुन स्थानमा जाने भन्ने जानकारी सहित दुईतर्फी टिकट पाउनेछन् ।
आवेदन दिन यहाँ क्लिक गर्नुहोला ।
चारवटा सम्भावित गन्तब्यका लागि टिकट दिइने भनिएपनि गन्तब्य भने गोप्य राखिएको छ । आवेदकले गन्तब्य छनौट गर्न पाउनेछैनन् बरु आवेदकलाई आश्चर्यजनक रुपमा गन्तब्यबारे जानकारी दिइनेछ ।
आवेदनका लागि योग्य हुनका लागि आवेदक जापान एयरलाइन्सको माइलेज बैंकको विदेशी सदस्य हुनुपर्नेछ । एयरलाइन्सले यो अभियानलाई जापान पर्यटन एजेन्सीसँगको समन्वयमा संचालन गरेको छ ।