कोरोना संक्रमणबाट चीनमा एकैदिनमा ८६ को मृत्यु, संक्रमितको संख्या झण्डै ३५ हजार
प्रकाशित मिति : माघ २४, २०७६ शुक्रबार
घातक कोरोना भाइरसको संक्रमणबाट चीनमा एकैदिनमा ८६ जनाको मृत्यु भएको छ । यो संँगै अब कोरोना भाइरस संक्रमणबाट मृत्यु हुनेको संख्या ७२० नाघेको छ ।
अहिलेसम्म ३४ हजार ४ सयभन्दा बढीमा भाइरस संक्रमण पुष्टी भइसकेको छ । भाइरसको संक्रमण हुने देशहरुको संख्या पनि २७ पुगेको छ ।
जनवरी २३ भन्दा अगाडि कोरोना संक्रमणबाट १७ जनाको मृत्यु भएको थियो भने २३ जनवरीमा ८ जनाको मृत्यु भएको थियो । २४ जनवरीमा १६, २५ जनवरीमा १५ हुँदै हरेक दिन मृतकको संख्यामा बृद्धि हुँदै गएको थियो ।
फरबरी ५ र ६ मा हरेक दिन ७३ का दरले १४६ जनाको मृत्यु भयो । पूर्वी एसिया प्राय हरेक देशमा कोरोना भाइरसको संक्रमण पुष्टी भइसकेको छ ।
यसैबीच मलेसियामा कोरोना संक्रमित बिरामीको संख्या १५ पुगेको छ । कोरोनाका कारण विश्वभर एन्टी भाइरस आपूर्तिमा चर्को अभाव भएको छ भने मास्कहरुको समेत अभाव भएको छ ।
कोरोना भाइरसका कारण विश्वब्यापी रुपमा ज्यान गुमाउनेहरुको संख्या ७२४ पुगेको छ ।