पूर्व संचारमन्त्री गोकुलप्रसाद बाँस्कोटाको निर्माणाधिन घरको परिसरमा बम विष्फोट
प्रकाशित मिति : फाल्गुन २७, २०७६ मंगलबार
पूर्व संचारमन्त्री गोकुलप्रसाद बाँस्कोटाको लोकन्थलीस्थित निर्माणाधिन घरको परिसरमा बम विष्फोट भएको छ। आज बिहान ७ बजेर ५ मिनेट जाँदा भएको विष्फोटबाट घरको भित्तामा क्षति पुगेको जनाइएको छ ।
प्रेसरकुकर बम विस्फोट गराइएको र त्यसबाट घरको परिसरमा रहेको मारुती भ्यानमा समेत क्षति पुगेको जनाइएको छ । विष्फोटबाट छिमेकीहरुको घरमा पनि क्षति पुगेको जनाइएको छ ।
बिष्फोट कस्ले गराएको हो भन्नेबारे अहिलेसम्म केही खुलेको छैन । बिष्फोटको जिम्मा पनि कसैले लिएको छैन । प्रहरीले घटनाबारे अनुसन्धान गरिरहेको छ ।