नेकपा माओवादी केन्द्र बेलायत अध्यक्षमा रण केसी सर्वसम्मत
प्रकाशित मिति : चैत्र १४, २०७३ सोमबार
नेकपा माओवादी केन्द्र बेलायतका अध्यक्षमा रण केसी सर्वसम्मत चयन हुनुभएको छ । पार्टीको एकता अधिवेशनले केसीको नेतृत्वमा सर्वसम्मत नेतृत्व चयन गरेको हो ।
बैद्य माओवादीको एक समुहसहित विभिन्न १० पार्टीबीच एकता भइसकेपछि बेलायतमा पनि सबै पार्टीहरुको एकसाथमा एकता अधिवेशन गरिएको हो । केसीको अध्यक्षतामा सर्वसम्मत नयाँ नेतृत्वमा उपाध्यक्ष मानबहादुर गुरुङ र कल्पना आङबुहाङ चयन हुनुभएको छ । त्यस्तै सचिवमा शेरसिंह ठकुरी, सहसचिवमा मिलन लिम्बु, कोषाध्यक्षमा पदम राई र सहकोषाध्यमा कपिल श्रेष्ठ चुनिनुभएको छ ।
माओवादी केन्द्रका नेता नारायणकाजी श्रेष्ठको प्रमुख आतिथ्यमा अधिवेशन सम्पन्न भएको थियो ।
नवनिर्वाचित अध्यक्ष केसी ३ दशकदेखि कम्युनिष्ट आन्दोलनमा सकृय हुनुहुन्छ । भने डेढदशकदेखि डेढदशकदेखि बेलायतमा रहने क्रममा समेत नेपाली राजनीतिमा आबद्ध हुनुहुन्छ । विद्यार्थी राजनीतिदेखि नै कम्युनिष्ट आन्दोलनमा सकृय केसी २०४६ सालको जनआन्दोलनमा समेत सकृय हुनुहुन्थ्यो ।
बेलायत आइसकेपछि सुरुमा पार्टीको बेलायत जिल्ला सचिवको जिम्मेबारी सम्हालेका केसीले युरोप जिल्ला समिति सहकोषाध्यक्षको जिम्मेबारी पूरा गर्नुभएको थियो । माओवादीनिकट प्रवास संगठन प्रगतिशिल समाज बेलायतका संस्थापक महासचिव केसी दुईकार्यकालसम्म अध्यक्षको जिम्मेबारी पूरा गर्नुभएको थियो ।
