डा.बाबुराम भट्टराईको नाम परिवर्तन, ‘नियमित हात धोऔं’
प्रकाशित मिति : चैत्र ५, २०७६ बुधबार
पूर्वप्रधानमन्त्री तथा समाजवादी पार्टी नेपालका अध्यक्ष डा बाबुराम भट्टराईले आफ्नो ट्वीटर ह्यान्डलको नाम परिवर्तन गर्नुभएको छ । विश्वभर सन्त्रास फैलाइरहेको कोरोना भाइरस (कोभिड- १९) विरुद्ध सचेतना फैलउने पहल भन्दै उहाँले ट्वीटरमा नाम फेरेर नियमित हात धोऔँ राख्नुभएको हो ।
नाम फेरिएको बारे उहाँले एउटा ट्वीट नै गर्नुभएको छ । उहाँले भन्नुभएको छ, ‘कोरोना भाइरसबारे जनचेतनाका लागि सानो पहल : मेरो ट्वीटर नाम परिवर्तन गरेर ‘नियमित हात धोऔं/Wash your hands’ राखेको छु ।’
विज्ञका अनुसार भन्दै डा भट्टराईले थप्नुभएको छ, ‘नियमित हात धुनु संक्रमणबाट जोगिने प्रमुख उपाय हो ।’ सोही कारण जनचेतना अभिवृद्धिमा सहयोग पुगोस् भनेर आफ्नो नाममा हात धोऔँ राखेको उहाँको भनाइ छ ।