बलिउड नायिका आलिया भट्ट र अर्जुन कपुर क्वारेन्टाइनमा
प्रकाशित मिति : चैत्र ५, २०७६ बुधबार
कोरोना भाइरसको विश्वव्यापी प्रकोप तीव्र हुँदै गएपछि कलाकारहरूले सावधानी अपनाएका छन् ।
भारतमा एक सयभन्दा बढीमा संक्रमण देखिएसँगै वलिउड नायिका आलिया भट्ट र नायक अर्जुन कपुरले पनि क्वारेन्टाइनमा रहेको सामाजिक सञ्जाल ट्विटरमा सार्वजनिक गरेका छन् ।
आलियाले ट्विटरमा फोटो पोष्ट गर्दै आफू क्वारेन्टाइनमा रहेको जानकारी गराएकी हुन् । उनले ट्विटरमा क्वारेन्टाइनमा रहेको र फिटनेसलाई निरन्तरता दिइरहेको भन्दै फोटो पोष्ट गरेकी हुन् ।
त्यस्तै अभिनेता अर्जुन कपुरले पनि तेस्रो दिनको सेल्फ क्वारेन्टाइन भन्दै इन्स्टाग्राममा फोटो सेयर गरेका छन् ।