कोरोनाबारे अफवाह फैलाउने एक ब्यक्ति पक्राउ
प्रकाशित मिति : चैत्र ८, २०७६ शनिबार
कारोना भाइरसबाट काठमाडौंमा मृत्यु भएको भन्दै झुटो प्रचार गर्ने एक युकलाई प्रहरीले पक्राउ गरेको छ ।
फेसबुक मेसेञ्जरमार्फत् अफवाह फैलाएको थाहा पाएपछि प्रहरीले अनुसन्धान थालेको थियो । अनुसन्धानका क्रममा प्रहरीले रामेछाप घर भई भक्तपुरको सिपाडोल बस्ने २० वर्षीय विवेक थापामगरलाई पक्राउ गरेको छ ।
प्रहरीको साइबर व्यूरोले शनिवार दिउँसो उनलाई पक्राउ गरेको हो । उनले कोरोनाका कारण एक नेपालीको मृत्यु भएको तर अस्पतालले घटना लुकाएको भन्दै सामाजिक सञ्जालमा अडियो सन्देश पोष्ट गरेका थिए ।
नेपाल प्रहरीको केन्द्रीय प्रवक्ता डीआइजी शैलेश थापा क्षेत्रीले अनर्गल प्रचार गर्नेहरुबारे थप अनुसन्धान भइरहेको र कारवाही हुने बताए ।