हामी नेपाली ग्लोबलका तर्फबाट न्युयोर्कको नेपाली समुदायलाई १ हजार मास्क
प्रकाशित मिति : चैत्र २६, २०७६ बुधबार
हामी नेपाली ग्लोबलका तर्फबाट न्युयोर्कको नेपाली समुदायलाई १ हजार थान मास्क प्रदान गरिएको छ । उपाध्यक्ष नवराज केसीमार्फत उक्त मास्क न्युयोर्कको नेपाली समुदायलाई प्रदान गरिएको हो ।
केसीले नेपाली जनसम्पर्क समिति अमेरिकालाई ४ सय थान मास्क प्रदान गर्नुभयो, जुन जनसम्पर्क समितिले नेपाली समुदायलाई वितरण गरेको छ । त्यस्तै एनआरएनए न्युयोर्क च्याप्टरलाई ३ सय थान मास्क प्रदान गरिएकोमा च्याप्टरले नेपाली समुदायलाई वितरण गरिरहेको छ ।
त्यस्तै खसोखासलाई केसीले प्रदान गर्नुभएका ३ सय थान मास्क कार्यकारी सम्पादक अनिल अधिकारीमार्फत रिजउडको नेपाली समुदायका लागी प्रदान गरिएको छ ।
विश्वभरका नेपालीहरूको स्वास्थ्यलाभ को कामना गर्दै सकेसम्म राहत एवं अति आवश्यक सामग्रीहरू नेपाली माझ उपलब्ध गराउँन पहल गरिरहेको हामी नेपाली ग्लोबलका अध्यक्ष अमृत लामा ले हामीलाई बताउनू भएको छ ।