अमेरिकामा रहेका नेपाली विद्यार्थीलाई सहयोग गर्दै अन्सो
प्रकाशित मिति : बैशाख ८, २०७७ सोमबार
अमेरिकाम रहेको युनाइटेड नेपलिज स्टुडेन्ट युनियन अन्सोले अमेरिकामा एफ वान भिसामा रहेका र समस्यामा रहेका नेपाली विद्यार्थीहरुलाई सहयोगका लागि तथ्यांक संकलन सुरु गरेको छ । कोरोनाको महामारीका बेलामा सहयोग आवश्यक रहेका विद्यार्थीहरुको तथ्यांक संकलन गरिरहेको र त्यसपछि सहयोग उपलब्ध गराइने विजयमान सिंहले जानकारी दिएका छन् ।
सन् २०१४ मा गैरनाफामुलक संस्थाका रुपमा स्थापित युनाइटेड नेपलिज स्टुडेन्ट अर्गनाइजेनले अमेरिकामा विभिन्न क्षेत्रमा नेपाली विद्यार्थीहरुलाई सहयोग गर्दै आएको छ । अहिले आर्थिक संकलन भइरहेको र तथ्यांक संकलनपछि उक्त आर्थिक रकम विद्यार्थीहरुलाई वितरण गरिने जनाइएको छ ।
अहिले एनआरएनए लगायतका संस्थाको सहयोगमा न्युजर्सी लगायत विभिन्न राज्यमा रहेका नेपाली विद्यार्थीहरुको सहयोगका लागि काम गरेको सिंहले जानकारी दिए । अहिलेसम्म न्युयोर्कमा ६० विद्यार्थीको नाम संकलन गरेको र आधारभूत सहयोगका लागि काम गरिरहेको उनले बताएका छन् ।
समस्यामा परेका नेपाली विद्यार्थीहरुले विजयमान सिंहलाई ३४७ ४७१ ७३३३, सन्तोष महर्जनलाई ७१८ ५१० २०७४ मा, चन्द्रबिक्रम मल्ललाई ६०१ २९१ ३८८६ मा वा [email protected] मा सम्पर्क गर्न सक्नेछन् । गोफण्डमी र व्यक्तिगत सम्पर्कबाट समेत अहिले सहयोग संकलन भइरहेको छ ।