अमेरिकाबाट स्वदेश फर्कन चाहनेहरु भन्छन्-‘नेपाल सरकारले पहल मात्रै गरिदिए हुन्छ’
प्रकाशित मिति : बैशाख १९, २०७७ शुक्रबार
अमेरिकामा रहेका नेपाली नागरिकहरुले बिगत एक महिनादेखी स्वदेश फर्कन पाउनुपर्ने भन्दै नेपाल सरकारसंग हारगुहार गरिररहेका छन् । भाइरस संक्रमणका कारण बिभिन्न भिषामा अमेरिका आई यहीँ रोकिएका नेपालीहरुले सरकारसंग आफुहरुलाई देश फर्काउन आग्रह गरेका हुन् ।
अमेरिकामा रोकिएका नेपाली नागरिकहरुले आफ्नै खर्चमा यात्रा गर्ने र सरकारले भनेको ठाँउमा क्वारेन्टाइनमा बस्ने प्रतिवद्धता समेत जनाएका छन् । उनिहरुले भनेका छन्, हामी आफ्नै खर्चमा जान्छौं, अनि सरकारले तोकेका सबै नियम पालना गछौं, मात्रै हामीलाई स्वदेश फर्काउन सरकारले पहल गरिदियोस ।
यसरी नेपाल फर्किन चाहनेहरुको संख्या हाल सम्म ३६० नाधेको छ । पोखरामा प्रधान कार्यलय रहेको बतास अर्गनाइजेशनले अहिले बिवरण संकलन गरिरहेको छ । बतास अर्गनाइजेशनका कार्यकारी निर्देशक शान्ताराज बसातले नेपाल सरकारसंग समन्वय गर्ने काम भईरहेको उल्लेख गर्दै, फर्म भर्न आग्रह गरेका छन् ।
नेपाल फर्किन चाहनेहरुले अमेरिका बसाईमा अन्यौल भएको, खर्च सकिन लागेको, परिवारको रेखदेख गर्नुपर्ने, औषधी सकिन लागेको जस्ता गुनासो गरेका छन् । बतास अर्गनाइजेशनले अहिले अमेरिका तथा विश्वभरबाट नेपाल फर्किन चाहना भएकाहरुको सुचना संकलन गरिरहेको छ ।
अर्गनाइजेशनका कार्यकारी निर्देशक शान्तराज बतासका अनुसार सरकारले चाँडै सहयोग गरेमा टेक्सासबाट मानिसहरु संकलन गरि वासिङटन डिसीबाट नेपालका लागि सिधा उडान भरिने जानकारी दिए ।
आफ्नो बिवरण सहित यो लिङकमा फर्म भर्नुस ।